منوعات

نصائح للراحة النفسية

مطاعم السعوديه مطاعم السعودية  ميكساتك
راحة نفسية

في هذا المقال أتناول معكم بعض من النصائح للراحة النفسية و الروقان حتي تعيش في هدوء و تذكر يا صديقي كل شئ يأتي بالممارسة و اليكم النصائح كالأتي :

نصائح للراحة النفسية

١- كلمة حاضر بتريح … قول حاضر كتير.

٢- لما تكون مش مقتنع بكلام الي قدامك لا تجادل قول تمام و خلاص هو/هي كدة كدة مش هيقتنع فكر كده هتلاقي كلامي صح .

٣- اشرب ينسون و نعناع و شاي اخضر كتير و روق بالك و خليك ريلاكس .

٤- متعليش صوتك عشان ميتمسكش عليك غلطة .. و الناس ما بتصدق تمسك علي بعض غلطات.

٥- تحلي ببرود الاعصاب و ابتسم للعالم ( ايوة زي ما عملت كده بالظبط ).

٦- ركز مع نفسك انت بس مش مع حد تاني و ده لأن راحتك النفسية تهمنا .

٧- كلمة حاضر بتريح … قول حاضر كتير تاني ايوة معلش.

٨- فكر ألف مرة قبل ما تتكلم ( مش هتقع في غلط بإذن الله و توكل علي الله ).

٩- الوحدة احسن من اللمة الكدابة ( يا سلام لو عندك صديق واحد وفي و مخلص ).

إقرأ أيضا:شركة نقل عفش بمكة

١٠- متجريش ورا حاجة ولا ورا حد  و ريح نفسك كده و لكن لازم تسعي و تكون انسان نشيط .

١١- دافع عن افكارك بس مش مع أي حد لأن مش اي حد هيفهم انت عايز تقول ايه.

١٢- خليك واثق في نفسك … عشان تعرف تعمل اي حاجة من الكلام دة اللي فوق دة ايوة.

١٣- اثبت علي موقفك دايماً طالما صح ( الحق و الصح دايما هينتصروا ).

١٤- اعترف باخطائك … عادي كلنا بنغلط ( و اهو احنا بنتعلم من اخطأنا ).

١٥- متسمحش لحد يلغي شخصيتك .. خلي عندك كاريزما قوية و حلوة مش اي حد يهزر معاك و في نفس الوقت خليك لطيفو مبتسم .

١٦- انت حاجة كبيرة مش لازم تستني التقدير من حد و افتكر ( قدر نفسك تتقدر ).

١٧- ساعد نفسك عشان توصل لسلام نفسي و ده يخليك تتقبل اي حاجة بتحصل بهدوء و تستعين بالله علشان راحتك النفسية اهم.

١٨- كل واحد عنده مشاكل فكده انت  انسان طبيعي و متقلقش انت مش نحس ولا حاجة.

١٩- انت مش مضطر تحارب  في حرب مش بتاعتك ( ايوة روق بالك و ابعد عن الشر ).

إقرأ أيضا:أفضل مقدمة تعبير

٢٠- كلمة حاضر بتريح … بفكرك بس.

٢١- انقذ نفسك قبل ما تفكر تنقذ حد

٢٢- شجع نفسك دايماً و خليك مصدر قوتك هترتاح نفسيا بجد

٢٣- خليك دايما فاكر ان ربنا خلقك ليك هدف, لأن مفيش حد عايش من غير اي خطط  خلي عندك اهداف مش هدف واحد.

إقرأ أيضا:ما هي الشخصية النرجسية

٢٤- متجيش علي نفسك كتير … انت مش مضطر  لأن كل واحد عنده مستوي معين من الطاقة.

٢٥- كلمة حاضر بتريح … و اعمل الي انت عايزه في الاخر….??

في نهاية المقال و بتلك النقاط يا رب تكونوا استفادتوا و لو من نقطة واحدة و تذكروا ان كل شئ يأتي بالممارسة , و لذلك دائما انصح عند الاقدام علي اي فعل جديد لا يحدث من مرة واحدة او الثانية بل بالممارسة و الهدوء و التجربة ايضا في بعض المواقف .

السابق
طريقة عمل شوربة الجمبرى
التالي
كيف تعرف ان شخص معجب بك